இதை படிக்கும் பலருக்கு காதில் புகை வரலாம்!!!

இதோ இந்த பதிவை படிக்கும் பலர் காதில் புகை வரலாம், அப்படி பட்ட நல்லவர்கள் இந்த பதிவை படிக்காமல் இருப்பது நல்லது!!!

இந்த இசான் அவஸ்தி இருக்கானே இந்த இசான் அவஸ்தி அதாங்க தாரே ஜமீன் பர் படத்தில் நடிச்சு இருக்கானே என்னா நடிப்பு நடிச்சு இருக்கான். அவனை ஒரு முறை பார்த்தால் போதாது என்று நேற்று திரும்பவும் போய் இரண்டாம் முறையாக பார்த்துவிட்டு வந்தேன். என்னா நடிப்பு என்னா நடிப்பு!!!

காலை 5 மணிக்கு பரபரப்புடனும், மிகுந்த டென்சனுடனும் எழுந்து மிசின் போல கட கட என்று ஆபிஸ் கிளம்பும் அப்பா,காலை 6 மணிக்கு ஒரு கடி பிரட், ஒரு வாய் பால் ஒரு கையில் புத்தகம் என்று டென்சனாக இருக்கும் அண்ணனுக்கு மத்தியில் 7 மணிக்கு மிகவும் சோம்பலாக படுக்கையில் இருந்து எழுந்திருக்க மனசு இல்லாமல் டிக்கிய மட்டும் தூக்கிட்டு தலையை தலையனையில் புதைத்து தூங்கும் பையனை குண்டாஸ் சட்டத்தில் கைது செய்து தூக்கிட்டு போவது போல் டிக்கியில் ஒரு போடு போட்டு குண்டாங்கட்டியா தூக்கிட்டு போய் பாத்ரூமில் அமுக்கும் பொழுதும் சவரில் தண்ணியை திறந்துவிட்டு மேலே விழும் தண்ணியோடு போடும் சண்டையாகட்டும், ஊரில் இருந்து வந்த அப்பாவிடம் என்ன எனக்கு வாங்கி வந்த என்று கேட்டுவிட்டு பழத்தை கழுவாமல் வாயில் வைப்பது போல் காட்டும் பால்வா ஆகட்டும், அவன் நடிப்பு அருமை.

3+9=3 என்று மட்டும் விடை எழுதி விட்டு மீதியை சாமிக்கு விட்டுவிட்டு பிந்தாஸ் என்று சொல்லும் பொழுதும் அண்ணனிடம் ஸ்கூலை கட் அடித்துவிட்டேன் என்று சொல்லிவிட்டு போலி விடுமுறை குறிப்பு எழுதி கொடு என்று சொல்லிவிட்டு கண் அடித்து பிந்தாஸ் (ஹிந்தியில் என்ன சொல்கிறான் என்று புரியவில்லை) சப் டைட்டிலில் பயப்படாத! என்று வந்தது!அப்பொழுது அவன் குறும்பு சிரிப்பு அட அடா ...

பெரியவர்கள் நாம் பார்க்கும் பார்வைக்கும் சிறுவர்களின் பார்வைக்கும் எத்தனை வித்தியாசம் அப்பாவின் தோளில் அமர்ந்து ஐஸ் வாங்கி சாப்பிடும் சிறுவன்,தெருவோரம் கூடையில் தூங்கும் சிறுவன், கையை ஊன்றி பல்டி அடிக்கும் குழந்தைகள், தண்ணியை அண்ணாந்து குடிக்கும் ஒருவர், மண்ணை அள்ளி கொட்டும்பொக்கலைன் இயந்திரம், சாரத்தின் மேல் ஏறும் பெயிண்டர் என்று அவன் ஆச்சர்யமாக வியந்து பார்க்கும் பார்வைக்கும் நமக்கும் எத்தனை வித்தியாசம்.அவன் நடிப்பையும் குறும்பையும் பார்த்துக்கிட்டே இருக்கலாம் போல இருக்கு!

இதே நம் ஊராக இருந்திருந்தால் தினமும் போகலாம் இங்கு 30 திர்ஹாம் டிக்கெட் என்னசெய்வது, இந்த மாத கோட்டாதான் முடிந்து இருக்கு. அடுத்தமாதமும் போவோம்ல்ல போய்ட்டு வந்து திரும்ப வெறுப்பேத்தும் பதிவு போடும் முன்பு எல்லோரும் பார்த்துவிடுங்க:)))

குறிப்பு:

1)நேற்று படம் பார்க்கும் பொழுது அண்ணாச்சியும் அழுதுவிட்டார் என்பதை சொல்லமாட்டேன்.

2) நண்பர் பினாத்தலார் சொல்லும் பொழுது சின்ன பையன் நீயே படத்தை பார்த்துவிட்டு இப்படி பீல் செய்யும் பொழுது ஒரு வயதான அப்பாவாக என்னை நினைத்து பார் நான் எப்படி பீல் செஞ்சு இருப்பேன் என்று சொன்னார். 100% உண்மையான வரி அது.நிச்சயம் எல்லா அப்பாவும் பாருங்க குடும்பத்தோடு.

2) ஹிருதிக் ரோசன், ஐஸ்வர்யா ராய் நடித்து இருக்கும் அக்பர் என்று ஒரு படம் டிரையிலர் போட்டாங்க சும்மா மிரட்டி இருக்கானுங்க!

இன்னும் ஒரு முறை கூட படம் பார்க்காத தம்பி உமா கதிர், தம்பி கோபி, G3 அவர்களுக்கு இந்த பதிவை டெடிக்கேட் செய்கிறேன்!!!