ஐயோ என்னை அடிக்காதீங்க! நான் இனி எழுதமாட்டேன்!!!

டேய் வெளியே வாடா ங்......அடிங்க! இப்ப வெளியே வரப்போறீயா இல்லையா. எங்கிருந்தோ பறந்து வந்த கல் ஒன்று நான் ஒளிந்து இருந்த அறை ஜன்னல் கதவை பதம் பார்க்க சிலு சிலு என்று நொறுங்கி விழுந்தது கண்ணாடி. இன்னும் சத்தம் அதிகமாகி கொண்டே போனது. உள் பக்கமாக பூட்டி இருந்த கதவை யாரோ உடைப்பது போல் சத்தம், ஆம் நினைத்தது சரிதான் கதவு உடைந்துவிட்டது டேய் எங்கிருக்கிறான் என்று தேடுங்கடா அவனை!

காலடி சத்தங்கள் அதிகமாக கேட்டது ஒரு ஐம்பது அறுபது பேர் இருப்பாங்களோ! இதயம் படபட என்று அடித்துக்கொண்டது! நான் ஒளிந்து இருக்கும் மேஜை அருகேயும் காலடி சத்தம் கேட்டது கரெக்ட்டாக பீம் பாய் போல ஒருவன் என் முன்பு வந்து இங்க இருக்கிறான் பாருங்க டா என்று சத்தம் போட.

எல்லோரும் அப்படியே அலேக்காக தூக்கி போட்டு பந்தாடினார்கள், அம்மா அடிக்காதீங்க ஐய்யோ அடிக்காதீங்க ஸ்டாப் ஸ்டாப்!

அடிங்க வேண்டாம் என்று சொல்லவில்லை ஆனால் எதுக்கு அடிக்கிறீங்க என்று சொல்லிட்டு அடிங்க!!!

அதுல தருமி , ஆசிப், ஜெசிலா ,முத்துலெச்சுமி , இம்சை அரசி வந்தாங்க அதில் ஒரு நியாயம் இருந்துச்சு, அய்யனார் வந்தாரு பொருத்துக்கிட்டோம், அவுங்க எல்லாம் உருப்படியா எழுதி இருக்காங்க வந்தாங்க? நீ என்னா உருப்படியா எழுதி இருக்க அதில் வர? நீ எப்படிடா அதுல வரலாம்?

நான் எப்பங்க அதில் வந்தேன் நீங்க வேற யாரையோ அடிப்பதற்கு பதில் என்னை அடிக்கிறீங்க என்று சொல்ல அவர்கள் காட்டிய ஆதாரம் கீழே!!!

ஐயோ ஆனந்தவிகடனில் வந்ததுக்கும் எனக்கும் சம்மந்தம் இல்லை அதுல எதோ ஒரு சதி இருக்கு ஐய்யோ அடிக்காதீங்க. என்னை நம்புங்க இனி நான் உருப்படியா எழுதுறேன்.

டேய் இத பாருடா இத்தனை அடிவாங்கியும் இனி ஒழுங்கா எழுதுறேன் என்று சொல்லுறான் அடி பத்தாது போல இன்னும் நொங்குங்கடா!!!

ஐயோ அடிக்காதீங்க இனி எழுதவே மாட்டேன். விட்டுவிடுங்க.

அடிச்சவுங்க போனில் தம்பி இனி எழுதவே மாட்டேன் என்று சொல்லிட்டான் விட்டு விடலாமா? என்று யாரிடமோ கேட்க. அவன் இப்படிதான் சொல்லுவான் பத்தாது இன்னும் நாலு சாத்து சாத்துங்க என்று கட்டளை வர, சரி தம்பி என்றார்கள்!!!

தம்பீபீபீ நீயா?

டேய் நல்ல கனவா? மூஞ்ச கழுவிட்டு வீட்டுக்கு போ ஆபிஸ் டைம் முடிஞ்சு போச்சு என்று சகா சொல்ல கிளம்பினேன்.
குறிப்பு: போனில் வாழ்த்து சொன்ன நண்பர் உன் எல்லா பதிவையும் மொக்கை என்று சொல்லிடமுடியாது நிறைய நல்ல பதிவும் எழுதி இருக்க என்று சொல்ல?அது எப்படி எனக்கு தெரியாம நடந்துச்சு என்று நான் கேட்க?அவர்: நீ எழுதிய ம்ம்ம் ம்ம்ம்ம் ம்ம்ம்ம்ம் துபாய் விசா பற்றி எழுதியது அப்புறம் ம்ம்ம்ம் ம்ம்ம்ம் ம்ம்ம் துபாய் விசா பதிவு அப்புறம் ம்ம்ம் ம்ம்ம் துபாய் விசா பதிவு இப்படி ரொம்ப யோசிச்சார். அவருக்கு இந்த பதிவை சமர்பிக்கிறேன்.