Thursday, January 12, 2012

நண்பன்


இப்படி ஒரு விஜயை பார்த்து எவ்வளோ நாள் ஆச்சி. இதுக்காகவே அமீர்கானுக்கு நன்றி சொல்லனும். கடைசியாக விஜய் நடித்து பார்த்த படம் திருப்பாச்சி, அதன் பிறகு விஜய் படத்தை டீவியில் கூட பார்த்தது இல்லை. ஷங்கர் டைரக்சன், 3 இடியட்ஸ் ரீமேக் என்பதால் நம்பிபோகலாம் என்று நேற்று இரவு போனேன்.


படம் ஆரம்பித்தது முதல் கடைசி வரை கொஞ்சம் கூட போர் அடிக்காமல் செம ஜாலியா போச்சு, இப்படி என்ஜாய் செஞ்சி, தியேட்டரில் இருந்த அனைவரும் செமயா சிரிச்சி கடைசியாக பார்த்த படம் எதுவென்று நினைவில் இல்லை.

படத்தை பற்றி சொல்லவேண்டும் என்றால் ஏற்கனவே 3 இடியட்ஸ் பார்த்தவங்களுக்கு கொஞ்சம் சலிப்பாக இருக்கலாம், என்னய்யா அப்படியே சீன் பை சீன் காப்பி அடிச்சிருக்காங்க, மில்லிமீட்டர் பேரைக்கூடவா காப்பி அடிப்பாங்க, சத்யராஜ் ஷேவ் செய்துக்கும் பொழுது போடும் பாட்டு ட்ராக்கை கூட மாற்றம் இல்ல இப்படி படம் எடுக்க எதுக்கு ஷங்கர், ஜெயம் ரவி அண்ணன் ராஜா போதுமே என்று எல்லாம் சொல்லுவாங்க. சரி சங்கர் கொஞ்சம் மாத்தி அப்படி இப்படி டிங்கரிங் செஞ்சி எடுத்தா...ச்சே திரி இடியட்ஸ் எப்படி இருக்கும் தெரியுமா? கெடுத்துட்டாங்கய்யான்னு சொல்லுவாங்க.

எனக்கு படத்துல பெருசா எதுவும் குறை இல்ல, கொடுத்த காசுக்கு சந்தோசமா சிரிச்சி ரசிச்சி படம் பார்த்தாச்சு.

சத்யராஜ் அவர் இயல்பா பேசி நடிச்சிருந்தாலே செமயா இருந்திருக்கும், அவரு ஹிந்தியில் பேசும் ஆள்மாதிரியே பேச ட்ரை செஞ்சதுதான் கொஞ்சம் சொதப்பல்.


"திருக்குறள் சைஸ்க்கு ப்ளாஷ் பேக் சொல்றான் பாரு" "நீ யாரு? இவனுக்கு அக்கா" மாதிரியான டயலாக்குகள் ரசிக்க வைக்கின்றன.

சைலன்சருக்கு சத்யன் செமயா செட் ஆவுறாரு...ஶ்ரீகாந்த் மட்டும் கொஞ்சம் சொதப்பல்.

நண்பன் பார்க்கும் பொழுது 3 இடியட்ஸ் வெச்சி கம்பேர் செய்யாம படம் பாருங்க...நிச்சயம் படம் பிடிக்கும்.