என்ன என்ன நடந்தால் 2008 வலைபதிவர்களுக்கு மகிழ்ச்சியாக இருக்கும்!!!

வரும் ஆண்டில் நம் வலைபதிவர்கள் இப்படி அறிவித்தால் எப்படி இருக்கும்.

இனி நான் புனைவு கவிதையோ அல்லது புரியாத கவிதையையோ எழுத போவது இல்லை என்று முடிவு எடுத்து இருக்கிறேன் என்று அய்யனார் அறிவித்தால்.

இனி வரும் வருடத்தில் டாக்டர்.கவிதாயினி அழுவாச்சி காவிய கவிதை எழுதமாட்டேன் என்று அறிவித்தால்.

தம்பி உமா கதிர் இனி பஸில் பயனம் செய்யும் பொழுது யாருடனும் பேசமாட்டேன் என்றால் (அப்படி சொன்னாலே போதும் பதிவு எதுவும் வராது).

ஓசை செல்லா இந்த வருடமாவது ஒரு சொக்கா தச்சு போட்டுக்கிட்டு கண்ணாடியை கழட்டி ரொம்ப நாட்களாக வெறும் கண்ணாடியோடு நின்றுகொண்டு இருக்கும் காந்தி தாத்தாவுக்கு மாட்டிவிட்டு போட்டோவுக்கு போஸ் கொடுப்பேன் என்று சொன்னால்.

நச் போட்டி முடிந்த பின்பும் "நச்சு" கதை எழுதிக்கொண்டு இருக்கு சிறுகதை சூறாவளி கோவி.கண்ணன் இனி கதை எழுத மாட்டேன் என்று சொன்னால்.

ஒரு நாளாவது யோனி, குறி என்ற வார்த்தை இல்லாத தமிழ்மணத்தை கண்டால்

எங்கேயாவது ஒரு இடத்திலாவது பதிவரை வம்புக்கு இழுக்காமல் பின்னூட்டம் இடுவேன் என்று வவ்வால் சொன்னால்.

பொங்கலில் அபி அப்பா "கள்" எடுப்பதை நிறுத்துவேன் என்று சொன்னால்

ஸ்டேட்டஸ் மெசேஜில் இனி புரியாத கவிதை போட்டு கலவரபடுத்த மாட்டேன் என்று ராம் சொன்னால்.

தினம் ஒரே ஒரு பதிவு மட்டும் குட்டீஸ் போட்டால்...

மின்னுது மின்னல் வேறு பெயரில் இனி எழுதமாட்டேன்(??) இனி பழயபடி திரும்ப அனானிபிளாக்குக்கே வருவேன் என்று சொன்னால்

வீட்டுக்கு ஒரு மரம் போல எல்லோருக்கு ஒரு விருது என்று தமிழ்மணம் அறிவித்தால்.

(நீங்களும் பின்னூட்டத்தில் வேறு ஏதும் இருந்தால் சொல்லுங்க:)

இப்படி எல்லா மற்றவர்கள் சொல்வது இருக்கட்டும் நீ என்னா சொல்ல போகிறாய் என்று கேட்க்கும் நண்பர்களுக்கு ஒரு அறிவிப்பு...
.
.
.
.
.
.
.
.
.
.
.


இனி நான் கோட்டு போட்டு போட்டோ புடிக்க மாட்டேன் என்று உங்களுக்கு எல்லாம் மகிழ்ச்சியான செய்தியோடு இந்த வருட வாழ்த்தையும் சொல்லிக்கிறேன்.

நீள் ஆயுள் நிறை செல்வம் உயர் புகழ் பெற்று ஓங்கி வாழ்க! வாழ்க வளமுடன்.