டிராண்ஸ்பார்மர்

எனக்கு என்னவென்று தெரியவில்லை நம்ம சனி பகவான் உச்சத்துல நின்னுக்கிட்டு டிஸ்கோ ஆடுகிறார், ஆமாங்க என்னத்த சொல்லுறது எங்க போனாலும், ஆப்பு தேடி வந்து பர்பெக்டா அது அது இடத்துல பிக்ஸ் ஆகிக்கிறது.


இப்படி தான் போன வாரம் மின்னலின் அன்பின் அனைவரும் விறைத்து வந்தது தெரியும், தெரியாதவுங்க இங்க படிச்சுக்குங்க.

அங்க எல்லாரும் போய் ஒரு இடத்துல போய் உட்கார்ந்தாங்க நான் மிகவும் கஷ்டப்பட்டு உட்கார முடியாம உட்கார்ந்தா அங்க பார்த்தா கட்டெறும்பு புற்று இருக்கனும் அதுங்க பங்குக்கு ரெண்டு கடிச்சுடுச்சு ய்ப்பா புள்ளைங்களா எறும்பு கடிக்குது இங்க படுக்காதீங்கய்யான்னா எங்களை எல்லாம் கடிக்காது என்று படுத்து இருந்தாங்க அது மாதிரி அவுங்கள எல்லாம் கடிக்கவில்லை. இந்த கடியாவது பரவாயில்லை



போன வாரம் போய் பார்கலாம் என்று பார்த்த படம் டிரான்ஸ் பார்மர்ஸ்.
அவன் அடிச்ச ஆப்பு இருக்கே, அம்மா சாமி எங்க தானே தலைவர் விஜயகாந்தின் நரசிம்மாவை கூட 10 முறை பார்த்துவிடலாம் இத ம்ம்ம்ம்ம்

கதை முதல்ல Gulfல் ஸ்டார்ட் ஆகிறது, Gulf டேரா போட்டு இருக்கும் அமெரிக்கா ஆர்மி இருக்கும் இடத்துக்கு சொன்ன பேச்சு கேட்காம ஒரு பிளைட் வருகிறது அதை எல்லாரும் ரவுண்ட் கட்டுகிறார்கள், அது என்னடான்னா டக்குன்னு காத்தாடி எல்லாத்தையும் டக் டக்குன்னு சுருட்டிக்கிட்டு கம்பீரமாய் ஒரு ரோபவா எழுந்து நிக்குது, ஆகா படம் ஜூப்பர் போல என்று நினைத்தேன். அங்க இருக்கிற எல்லாத்தையும் காலி செய்கிறது அந்த ரோபோ.

அதே நேரத்தில் காலேஜில் படிக்கும் ஒருவன் தாத்தாவோட கண்ணாடிய ஏலம் விட பார்கிறான், அந்த கண்ணாடிக்குள் தான் எல்லா மர்மமும் அடங்கி இருக்கு ,அந்த கண்ணாடிய தேடி கெட்ட ரோபோஸுக்கும் , நல்ல ரோபோஸுக்கும் போட்டி. நல்ல ரோபோ என்ன செய்கிறது இந்த பேராண்டிக்கு கார் மாதிரி உருவம் எடுத்து வந்து மக்களை காக்க வந்து
இருக்கிறது நல்ல ரோபோ.

பிறகு வழக்கம் போல என்ன செய்வது என்று பெண்டகனில் மண்டைய உடைத்து கொள்கிறார்கள்.

இந்த படத்துல என்ன விசேசம் என்றால் நல்ல ரோபோங்களுக்கும் கெட்ட ரோபோங்களுக்கும் நடக்குற சண்டையில் உடைகிறது நம்ம மண்டை அப்படி இருக்கிறது சண்டை.

கடைசியா நம்ம ஹீரோ ரக்பி பால எடுத்துகிட்டு ஓடிவது போல் ஒரு சதுர வடிவ டிரான்ஸ்பார்மரை எடுத்துக்கிட்டு ஓடுகிறார் ஓடுகிறார் வாழ்கையின் விளிம்புக்கே ஓடுகிறார். கடைசியா அத கெட்ட ரோபோ நெஞ்சுக்கு நேரா காட்டி அத சாக அடிக்கிறார் ஹீரோ. (நம்மளையும் தான்).

கிராபிக்ஸ் கலக்கலா இருக்கு...அதுக்கா படம் பார்க்க போகலாம் என்று முடிவு செஞ்சீங்கன்னா. "விதி வலியது"