ங்கொக்கமக்கா!!! ரவா தோசை --- (கொஞ்சம் வித்தியாசமாக)

மக்களே நான் கடந்த முறை செய்த முட்டை மசாலா சமையல் குறிப்பை யாரும் டிரை செஞ்சு பார்த்திங்களா இல்லையான்னு தெரியவில்லை, ஆனால் எந்த புகாரும் வரவில்லை அதனால் யாருக்கும் சேதாரம் இல்லை என்று நினைத்து தைரியமாக அடுத்த சமையல் டிப்ஸ்.

முதலில் வைரமுத்து பாடல் தோன்றிய கதை என்று சொல்வது போல், இந்த ரவா தோசை தோன்றிய கதை.

அன்னைக்கு செம பசி வீட்டில் போய் சாதம் வைத்து, குழம்பு வைத்து எல்லாம் சாப்பிடும் அளவுக்கு பொறுமை இல்லை.சரி நூடுல்ஸாவது செய்யலாம் என்று பார்த்தால் அதுவும் இல்லை, சரி என்னதான் செய்யலாம் என்று பார்த்தேன் ரவா இருந்தது சரி ரவா தோசை செஞ்சிடலாம் என்று முடிவு செய்து, அதில் போட என்ன காய்கறி இருக்கு என்று பார்த்தேன் கேரட் மட்டும் இருந்ததுஅதை சின்னதாக வெட்டும் அளவுக்கு பொறுமை இல்லை பக்கத்தில் பார்த்தேன் Knorr veg சூப் மிக்ஸ் இருந்தது, சரி சும்மா போட்டுதான் பார்ப்போமே என்று அதை எடுத்து போட்டு அரிசி மாவு, போட்டு கலக்கி தோசை ஊற்றினேன், ங்கொக்கமக்கா என்று இருந்தது. நண்பன் சொன்னா மச்சி டேய் உன்னை கட்டிக்க போறவ கொடுத்து வச்சவடா என்று எப்படி டா இப்படி புதுசு புதுசா என்ன என்னமோ செய்கிறாய் என்றான்...இது போல் ஒரு தோசையை சாப்பிட்டது இல்லை என்று கேட்டு கேட்டு வாங்கி சாப்பிட்டான்.

தேவையான பொருட்கள்:

ரவா : 3 கப்

அரிசி மாவு: 1 கப்

கடலை பருப்பு : ஒரு கை பிடி

பச்சை மிளகாய்: 3

இஞ்சி : சிறியது

Knoor வெஜ் சூப் மிக்ஸ்

செய்முறை:

ரவா, அரிசி மாவை தண்னீர் விட்டு கலந்து அதில் கடலை பருப்பு, இஞ்சி, பச்சை மிளகாய் எல்லாம் வறுத்து போட்டுக்கவும்,பின் knoor வெஜ் சூப் மிக்ஸை போட்டு கலக்கவும். பின் தோசை கல்லை போட்டு தோசை ஊற்றவும்.

(குறிப்பு: தோசை எப்படி ஊற்றுவது என்று தெரியாத கல்யாணம் ஆகாத இளம் பெண்களுக்கு இலவசமாக டிரைனிங் கொடுக்கபடும்.)

சாப்பிடும் முறை:
பின் ஒரு பிஸை எடுத்து வாயில் போடவும், அங்கிருந்து ங்கொக்கமக்கா என்று சவுண்டு வரும்.

(குறிப்பு: தோசை எப்படி சாப்பிடுவது என்று தெரியாத கல்யாணம் ஆகாத இளம் பெண்களுக்கு இலவசமாக ஊட்டியும் விடபடும்.)

டிஸ்கி: ஜெஸிலா நீங்க இந்த முறை உங்க சமையல் குறிப்பு புத்தகத்தை எடுத்துவிட்டேன் என்று சொல்லமுடியாது.