தமிழ் ஈழத்தை தமிழகத்தலைவர்கள் ஆதரிக்கவேண்டுமா? +கார்ட்டூன்

ஈழ சொந்தங்களே உங்களுக்கு ஆதரவாகவும் தமிழ் ஈழத்தை ஆதரித்தும் தமிழகத்தில் ஆட்சியில் அல்லது முக்கிய பொருப்புகளில் இருக்கும் தலைவர்கள் உடனடியாக குரல் கொடுப்பது மட்டும் இன்றி செயலிலும் இறங்க வேண்டுமா இதோ கீழே இருப்பது போல் அறிவிப்பை தலைவர் பிரபாகரனை அறிவிக்க சொல்லுங்கள்.

தமிழ் ஈழம் மலர முதலில் குரல் கொடுத்து ஆதரவு திரட்டும் முதல் 10 தலைவர்களுக்கு கீழ்கண்ட சலுகைகள் வழங்கப்படும் என்று சொல்லுங்கள்.

1) தமிழ் ஈழத்தில் முதல்வர் பதவி ஒன்று ஏற்படுத்தப்பட்டு அது உங்களுக்கே வழங்கப்படும். இதில் இருக்கும் சிறப்பு அம்சம் அவருக்குபின் அந்த பதவி எந்த சிக்கலும் இன்றி மகன்களுக்கோ அல்லது மகள்களுக்கோ வழங்கப்படும், ஒன்றுக்கு மேற்பட்ட மகன்கள் இருப்பின் இரு முதல்வர்கள் பதவி வழங்கப்படும்.

2) தமிழ் ஈழத்தில் அமையவிருக்கும் தொலைக்காட்சி ஒளிபரப்பு உரிமம் எள்ளு பேரன்களுக்கோ அல்லது கொள்ளு பேரன்களுக்கோ வழங்கப்படும்.

3) வானொலி சேவை, DTH சேவை அனைத்தும் உங்களுக்கு வழங்கப்படும்.

4) தினசரி செய்திதாள்கள் அச்சகங்கள் தொடங்க அனுமதி உங்களுக்கு வழங்கப்படும்.

5) கப்பல் போக்குவரத்து துறை தங்கள் சகாக்களுக்கே வழங்கப்படும்.

6) கண்டியில் இருந்து கிண்டிக்கு மேம்பாலம் அமைக்கும் திட்டத்துக்கு டெண்டர் விடும் பொருப்பு உங்களுக்கே வழங்கப்படும்

7) அனைவருக்கும் இலவச டீவி வழங்கப்படும். (யாருப்பா அது சூரியனுக்கே டார்ச் அடிக்கிறது என்று சொல்வது)

இவை அனைத்தையும் அறிவித்தால் ஒரு கட்சியினரின் அமோக ஆதரவு உங்களுக்கு உடனடியாக கிடைக்கும்.

1) முல்லைத்தீவில் திராட்சை தோட்டத்தோடு கூடிய 10000 ஏக்கர் நிலப்பரப்பில் அமைந்த எஸ்டேட் பங்களாவும் அதில் அமர்ந்து தினம் மக்கள் பணிகளை செய்ய ஏதுவாக 2 ஹோம் தியேட்டர் வசதியோடு பங்களா ஒன்று வழங்கப்படும்.

இப்படி சொன்னால் அடுத்தகட்சியின் ஆதரவு உங்களுக்கு நிச்சயம்.

1) சுகாதார துறை அமைச்சர் பதவியும், இரயில்வே துறை அமைச்சர் பதவியும் தங்கள் குடும்ப உறுப்பினருக்கு வழங்கப்படும்.

2) சிங்களர்களால் வெட்டப்பட்ட மரங்கள் நட மரக்கன்றுகள் வாங்கும் டெண்டர் உங்களுக்கே வழங்கப்படும்.

இப்படி சொன்னால் அடுத்த கட்சியின் ஆதரவும் உங்களுக்கு ஆனால் அதில் ஒரு சிக்கல் இருக்கிறது அடுத்த தேர்தலில் ங்கோத்தாபய ராஜபக்சேவுடன் கூட்டணி வைக்கும் அபாயம் இருக்கிறது.

1) தமிழ் ஈழத்தில் அனைத்து கல்யாணமண்டபங்களும் கட்டிக்கொள்ள தங்களுக்கு முன்னுரிமை வழங்கப்படும். (சாலை விரிவாக்கத்தின் பொழுது கூட இடிக்கபடமாட்டாது.)

2) தமிழ் ஈழத்தில் தயாராகும் படங்கள் அனைத்திலும் தாங்கள் ஹீரோவாக நடிக்க வாய்ப்பு வழங்கப்படும்.

3)” பார்”கவுன்சிலும் அமைத்து தரப்படும்.
இப்படி சொன்னால் அடுத்தகட்சியின் ஆதரவும் தங்களுக்கு நிச்சயம்.

டிஸ்கி: என்னடா 10 தலைவர்களுக்கு சலுகை என்று 4 கட்சிகளை மட்டும் வளைக்க ஐடியா கொடுத்து இருக்கேன் என்று நினைக்கிறீங்களா, மீதி இருக்கும் இடத்துக்கு எல்லாம் மச்சான் மாமன் அவர்களே நிரப்பிக்கொள்வார்கள்.
********************************************************************

தயாநிதி: நீங்க ஏன் ஆற்காடார் சோகமாக இருக்கீங்க?
ஆற்காடார்: என் தொகுதியில் எனக்காக வேண்டிக்கிட்டு தீ மிதிக்க போறாங்களாம்?
தயாநிதி: அட சந்தோசமான விசயம்தானே மக்கள் உங்க மேல ரொம்ப பாசமாக இருக்காங்க.
ஆற்காடார்: அட நீங்க வேற அவுங்க தீ மிதிக்கிறது , திருமங்கலம் போல இடைத்தேர்தல் வரனும் என்று வேண்டிக்கிட்டு.