அப்ப இவங்களுக்கு என்ன பேர்????

நேற்று ஒரு தலைவர் சொல்லி இருக்கிறார் நடிகர்களின் ரசிகர்கள் எல்லாம் முட்டாள்கள் என்று, கொஞ்ச நாட்களுக்கு முன்பு சொல்லி இருந்தார் கிரிக்கெட்டால் இளைய சமுதாயம் கெடுகிறது அதை ஒரு 5 வருடங்களுக்கு தடை செய்யவேண்டும் என்று.

ஐயா சினிமா ரசிகர்கள் எல்லா நாட்களும் நடிகர் பின் அலைவது இல்லை, வருடத்துக்கு ஒரு முறையோ இரண்டு வருடத்துக்கு ஒரு முறையோ சினிமா தியேட்டர் முன் ஆட்டம் போட்டு படம் பார்த்து முடிந்த உடன் தன் வேலையை பார்க்க போய் விடுகிறார்கள்.

கிரிக்கெட் ரசிகர்கள் தங்கள் வீட்டுக்கு வரும் கேபிள் கனெக்சனில் ஆட்டத்தை பார்த்துவிட்டு படுத்து விடுகிறார்கள், ஆனால் கட்சியில் உருப்பினராக இருக்கும் தொண்டர்கள் நீங்க நினைச்சா ஒரு திட்டத்தை ஆதரிச்சு பொது கூட்டம் போட சொல்வீங்க, இல்லேன்னா அடுத்த நாளே வேற ஒரு திட்டத்த எதிர்த்து தெரு முனை பிரச்சாரம் என்று எல்லாரையும் தெருவுக்கு வரசொல்வீங்க.

கொஞ்ச நாள் கழித்து சூறாவளி சுற்று பயணம் போவீங்க, சில பேர் நடை பயணம் போறேன் என்று தனியாக போகாம அடுத்த வேலைக்கு வேலை செஞ்சாதான் சாப்பாடு என்று இருக்கும் தின கூலி குப்பனையும் சுப்பனையும் அழைச்சுக்கிட்டு போவீங்க.

நாகபட்டிணத்தில் இருக்கும் தொண்டனை தளபதி மதுரைக்கு அழைக்கிறார் அலைகடலென திரண்டு வாங்க, சுனாமி போல எழுந்து வாங்க என்று அவனை ஒரு மூன்று நாள் அழைச்சுக்கிட்டு போய் பாரீர் தலைவரின் உரைய கேட்க திரண்ட கூட்டத்தை என்று பேப்பரில் போட்டோ போடுவீங்க.

வருசத்துக்கு ஒரு முறையோ இல்லை இல்ல ஆறு மாசத்துக்கு ஒரு முறையோ மாநாடு என்று கூப்பிடுவீங்க. இப்படி நீங்க கூப்பிட்ட குரலுக்கு எல்லாம் ஓடி வரனும் நீங்க மாநாட்டுக்கு முன்னாடி ஆளும் கட்சியா இருந்தா ஹெலிகாப்டரில் சும்மா cool ஆக வந்து மாநாட்டுல 10 நிமிசம்பேசிட்டு டாட்டா காட்டிட்டு போய்விடுவீங்க. இல்ல எதிர் கட்சியாக இருந்தால் A/C கார்ல படை சூழ பவனி வந்து போஸ் கொடுப்பீங்க.

இங்கேந்து அங்க வர என்ன எல்லாருக்கு டிராவல் அலோன்ஸ் கொடுக்குறீங்களா? இல்ல சாப்பாட்டுக்கு பணம் கொடுக்குறீங்களா, மூனு நாள் மாநாடு என்றால் சாயந்திரம் மாநாடு முடிஞ்சதும் அங்கு இருக்கும் TBயில் போய் நல்லா ஓய்வு எடுத்துப்பீங்க, உங்களுக்காக வந்த தொண்டன மாநாட்டு பந்தலில் கூட படுக்கவிட மாட்டீங்க அங்க அங்க தரையில் துண்ட விரிச்சு படுத்து கிடப்பான். மறு நாள் நீங்க எதிர் வெய்யிலா இருக்கு சைடு வெய்யிலா இருக்குன்னு சூடு தனிஞ்ச பிறகு வருவீங்க ஆனா இவன் மட்டும் காலையில் இருந்து மண்டைய பிளக்கும் வெய்யிலில் உங்க கட்சி கொடிய ஏந்தி அல்லகையா நிக்கனும்.

புடிச்சா கூட்டணி வச்சுப்பீங்க இல்ல அறுத்துவிட்டு அடுத்த கட்சிய பார்க போய்விடுவீங்க, இங்க உங்களுக்காக பழைய எதிர் கட்சி கவுண்சிலரையும் லோக்கல் ஆட்களையும் முறைச்சுகிட்ட மாரியப்பன் என்ன செய்வான்? நாளு நாட்கள் வீட்ட விட்டு வெளியவர மாட்டான் எவ்வளோ கேலி பேச்சுக்கும் கிண்டலுக்கும் அவன் ஆளாவான்னு என்னைக்காவது நினைச்சு பார்த்து இருக்கிங்களா?

வீட்டுல ஒரு பொண்டாட்டிக்கு உடம்பு சரி இல்லைன்னா கூட சாப்பிட்ட தட்ட கழுவ மாட்டான் வீட்ட கூட்ட மாட்டான்ஆனா நீங்க அவன் ஊர் பக்கமா போறதா இருந்தா தட்டி கட்டி ரோட்ட கூட்டிக்கிட்டு நிற்ப்பான், ஒரு கூடையில் குளோரின் பவுடரை போட்டு அழகா இடைவெளி விட்டு விட்டு தரைக்கு பவுடர் போடுவான்...

நாலு மாசத்துக்கு முன்னாடியே நீங்க தேர்தல் தேதிய அறிவிச்சு விடுவீங்க என்னமோ நாடு பிடிக்க போகும் படை வீரன் மாதிரி ஒவ்வொருத்தனும் கையில் பெயிண்ட் டப்பாவுடன் கு.மு.கு.க full சோ.மு.சோ.க full ன்னு ஒவ்வொரு சுவரா எழுதி ரிசர்வ் செஞ்சுகிட்டு வருவான். அந்த ஊர் முழுவதும் எதிர் கட்சி ஆட்கள எதிர்த்து எழுதிவிட்டு வெற்றி களிப்புடன் இருப்பான், நீங்க கடைசி ஒரு பத்து நாட்களுக்கு முன்கூட்டணி மாறி விட்டு என் சகோதரி அழைக்கிறார், சித்தப்பா அழைக்கிறார் என்று போய் ஒரு துண்ட போட்டு சமாதானம் ஆயிடுவீங்க...நாடு புடிச்சு வச்ச ராசா என்ன செய்வான்?????

இப்படி எல்லாம் இருக்கும் தொண்டனுக்கு முதல்ல ஒரு பேர் வையுங்க ...தொண்டன் தொண்டன் என்று சொல்லி சொல்லி அலுத்து போச்சு.